اشهر رجل فى مصر

By Admin 14 فبراير 2011

Share Tweet Share Pin Email

فى غمره الاحداث و بعد نجاح الثوره اثار الرجل الذى كان يقف خلف عمر سليمان اثناء القاءه خطاب التنحى فضول العديد من مستخدمى الأنترنت
واصبح اشهر رجل فى مصر من خلال الفيسبوك و تويتر و لأن الشعب المصرى بطبعه يحب المزاح و دمه خفيف فبدأت تنتشر الصوروالتعليقات الطريفه  و تسأل الجميع من يكون هذا الرجل ؟ هذا الموضوع ليس القصد منه الاستهزاء او التقليل من شأن احد بل محاوله لتخفيف حده التوتر التى اصابت البعض من جراء احداث الاسابيع الماضيه 

 الراجل اللى واقف ورا عمر سليمان 

اشهر المقولات عنه 

نداء الى جميع الشرفاء والمسؤلين والغير المسؤلين أى حد فى البلد يطلع ويقولنا مين الراجل اللى ورا عمر سليمان دا

عاجل : تجميد أرصدة الراجل اللي ورا عمر سليمان

اشهر 3 حاجات في مصر دلوقتى

---------------------------

1 - ميدان التحرير

...2 - وائل غنيم

...

3 - الراجل اللي ورا عمر سليمان

سي ان ان ... الراجل اللى وراعمر سليمان يثير ضجة فى الشارع المصرى واجتماعات مكثفة لاوباما للكشف عن هويته

دعوة إلى الإعتصام لتبديل النسر بالراجل اللى ورا عمر سليمان على العلم

في مفاجائه من العيار الثقيل : الراجل اللي ورا عمر سليمان يعترف للنائب العام بأنه هو فعلا الراجل اللي ورا عمر سليمان

و اكد الراجل اللي ورا عمر سليمان لمصادر مطلعه انه سيقف ورا عمر سليمان حتي نهايه ولايته لحين اجراء انتخابات حره و نزيهه للشعب لتحديد من يقف من بعده!!

الجزيره:مبارك سافر الي دبي...... العربيه: مبارك سافر الي لندن....التلفزيون المصري:مبارك في شرم الشيخ.... و الحقيقه هي : مبارك في بيت الراجل اللي ورا عمر سليمان

عاجل : في ظروف غريبه انتحر الراجل اللي ورا عمر سليمان

من مصادر مقربة من الباشمهندس عمر سليمان ... اكد عدم معرفته بالراجل اللى واقف وراه ...!!!

بعد رائعته “لن اعيش في جلباب ابي” .. نور الشريف : “انتظروني في رمضان القادم مع “لن اقف ورا عمر سليمان”

وراء كل واحد فينا ........... الراجل اللى ورا عمر سليمان

عاجل : الراجل اللي ورا عمر سليمان كان أصلا معتصم في التحرير ورا المعتصمين !!

مطالبه شعبيه .بوضع صورة الراجل الي واقف ورا عمر سليمان عالجنية

من النهارده مفيش عمر سليمان ... انا عمر سليمان

واخيرا تكلم الراجل اللي ورا عمر سليمان 

لو لم اكن مصريا لوددت ان اكون الراجل اللى ورا عمر سليمان

وراء كل رجل عظيم الراجل اللي ورا عمر سليمان

شفت الكلب بتاع الست مرات الراجل اللي واقف ورا عمر سليمان ؟

اكتر حاجه مزعلانى انا مبقاش فى عمر سليمان ….هنجيب الراجل الى واقف ورا عمر سليمان منيييين؟

عاجل : المتظاهرون في إيران و الجزائر يطالبون بقدوم الراجل اللي واقف ورا عمر سليمان من أجل ضمان رحيل النظام …

سي ان ان : ترشيح الرجل اللى ورا عمر سليمان لجائزه نوبل للسلام .. حيث أنه أخرج العالم العربى من حالة الأكتئاب التى أصابتهم إزاء الأحداث الأخيره و حولها إلى حاله ضحك هيستيرى .. و أدمن صفحه الراجل اللى ورا عمر سليمان يصرح أنه ليس بطلاً و لو منى الشاذلى أستضافته مش هيسيبها و يمشى

تعديل المادة 76 بالدستور بعدم وقوف الراجل اللى ورا عمر سليمان لاكثر من فترة رئاسة واحدة

عاجل :بيبسي تلغي تعاقدها مع تامر حسني-وتتعاقد مع الراجل الي كان واقف ورا عمر سليمان

اصدرت القوات المسلحة البيان رقم 6 أيها الشعب مالكوش دعوة بالراجل اللي واقف وراء عمر سليمان و الله الموفق